Սողանքներ

Սողանքների (լոկալ երկրաշարժեր) մեծ մասն առաջանում է մարդու անզգույշ գործունեության հետևանքով: Առանց տեղանքի մասնագիտական հետազոտության կառուցվում են շենքեր և ճանապարհներ, փորվում են հանքեր և թունելներ ինչն իր հերթին թուլացնում է հողի մի քանի շերտ ինչի հետևանքով մեծանում է  սողանքի հավանականությունը: Բայց սողանքները ցավոք սրտի միայն ձեռակերտ չեն լինում: 

Ավելի ճշգրիտ սահմանման դեպքում կարելի է ասել, որ սողանքը լեռնալանջերի, գետահովիտների եւ արհեստական թեքությունների վրա զգալի չափերի ապարազանգվածի տեղաշարժն է , որը կատարվում է ծանրության ուժի, ջրադինամիկ ճնշման, լանջի վրա արհեստական բեռնվածքի ավելացման (կառուցապատման), սեյսմիկ կամ տեխնածին ցնցումների եւ այլ ուժերի ազդեցությունից: Հայաստանը սողանքավտանգ երկիր է. մեզ մոտ 3000-ից ավելի սողանքներ կան, որոնցից 2500-ը գրանցված են եւ անձնագրեր ունեն:  Ակտիվ սողանքայինտարածքներում են գտնվում Ողջաբերդ, Հաղարծին, Գնիշիկ,Գոշ, Օձուն գյուղերը, Դիլիջան, Կապան քաղաքները և այլբնակավայրեր

Սողանքների սպառնալիքի նախանշանները

- տան դռներն ու պատուհանները դժվարությամբ են փակվում կամ սեղմված են

- տան պատերի ծեփերի վրա ի հայտ են գալիս նորանոր ճեղքեր

- հողի մակերեւույթին, մայթերին, ճանապարհներին հայտնվում են ճաքեր, որոնք աստիճանաբար լայնանում են

- լանջերի հիմքերի մոտ հողն ուռչում է

- հայտնվում են ստորգետնյա ջրերի նոր ելքեր

- ցանկապատերն ու ծառերը սկսում են “տեղաշարժվել”

- հողամասում առաջանում են փոսեր

Ինչ անել իրական վտանգի դեպքում

- անհրաժեշտ պաշտոնական միջոցառումներ կազմակերպելու համար դիմել տեղական գործադիր մարմիններին

- նախատեսել մթերքի,, հանդերձանքի, դեղորայքի վթարային պահուստներ

- չանտեսել ապաստարանների մասին տեղեկությունները եւ տարահանման վերաբերյալ գործադիր մարմինների կոնկրետ ցուցումները

- թույլ չտալ սողանքային վտանգի ուժեղացմանը նպաստող գործողություններ։

եթե հետևենք այս կանոններին զգալի չափով կնվազեցնենք սողանքների հետևանքով մառկային կորուստները: